«Әлемдік саясаттағы көші-қон» тақырыбында ашық дәріс өтті

2026 жылғы 6 қарашада сағат 09:00-де Л. Н. Гумилев атындағы Еуразия ұлттық университетінің 331-аудиториясында «Саясаттану» білім беру бағдарламасының екінші курс докторанты Айгерім Ускембаева осы бағдарламаның B040-3106-24-00 тобындағы үшінші курс студенттеріне «Әлемдік саясаттағы көші-қон» тақырыбында ашық дәріс өткізді. Дәріс педагогикалық практика аясында «Геосаясат: теория және қазіргі заман» пәні бойынша өтті. Дәріске докторанттың ғылыми жетекшісі, тарих ғылымдарының кандидаты, Халықаралық қатынастар факультетінің Саясаттану кафедрасының қауымдастырылған профессоры Б. А. Габдулина қатысты.

Дәрісте көші-қонның себептері мен негізгі түрлері, босқындарды қорғау мәселелері және көші-қонды реттеудегі халықаралық ұйымдардың рөлі қарастырылды. Студенттер көші-қон үдерістерін түсіндірудегі реализм, либерализм және конструктивизм тәсілдерін салыстырды. Орталық Азиядағы еңбек көші-қонына және оның Қазақстан үшін маңызына ерекше назар аударылды.

Шартты жағдайды талдау барысында студенттер мемлекеттің еңбек нарығының қажеттіліктерін қалай ескеріп, шекаралық бақылауды қамтамасыз ете алатынын және халықаралық қорғауға мұқтаж адамдардың құқықтарын қалай қорғай алатынын талқылады.