Құрметті әріптестер, докторанттар мен магистранттар!

Л.Н. Гумилев атындағы Еуразия ұлттық университетінің Халықаралық қатынастар факультеті көрнекті мемлекет және қоғам қайраткері, дипломат, Қазақстан Республикасының тұңғыш Сыртқы істер министрі Сүлейменов Төлеутай Сқақұлының 85 жылдығына арналған «Тәуелсіз Қазақстандағы сыртқы саясаттың дамуы: тарихи тәжірибе және қазіргі заман» атты халықаралық ғылыми-тәжірибелік конференцияға қатысуға шақырады.

Конференцияның мақсаты – тәуелсіз Қазақстанның сыртқы саясатының қалыптасуы мен дамуының тарихи тәжірибесін зерделеу, халықаралық қатынастардың қазіргі даму үрдістерін талдау, сондай-ақ Т.С. Сүлейменов мырзаның қазақстандық дипломатияның дамуына және Қазақстан Республикасының халықаралық беделін нығайтуға қосқан үлесін зерттеу.
Конференция жұмысы келесі секциялар бойынша жоспарланып отыр:
1. Т.С. Сүлейменовтің дипломатиялық қызметі және Қазақстан Республикасының сыртқы саясаты.
2. Қазақстан қазіргі халықаралық қатынастар жүйесінде.
3. Жаһандық өзгерістер жағдайындағы дипломатия және халықаралық ұйымдар.

Өткізу күні мен уақыты: 2026 ж. 1 қазанда, 10:00-13:00
Өткізу форматы: гибридті (офлайн /онлайн-режим)
Форумның жұмыс тілдері: қазақ, орыс, ағылшын

Өтетін орны: Пленарлық отырыс – Л.Н.Гумилев атындағы ЕҰУ, 2 қабат, конференц-зал, № 206, мекен-жайы: Астана қ., Сәтпаев к-сі, 2А.

Секциялар - Л.Н.Гумилев атындағы ЕҰУ Халықаралық қатынастар факультеті, конференц-зал, № 206, 319 кабинеттер, мекен-жайы: Астана қ., Қ.Сәтпаев к-сі, 2А.

Microsoft Teams сілтемесі форум қатысушыларына жіберіледі

Конференция материалдары жинағында жариялау үшін, ұйымдастыру комитетінің saniyanm83@mail.ru электрондық поштасына 2026 жылдың 25 тамызына дейін келесі құжаттарды жіберу қажет:
1. Толтырылған сауалнама Өтінім формасы
2. Баяндаманың электрондық түрдегі мәтіні Талаптар

Ұйымдастыру комитетінің шешімі бойынша таңдалған материалдар негізінде конференция материалдарының электрондық жинағы шығарылады. Баяндамалар толығымен автордың өңдеуінен өтіуі тиіс, сонымен қатар грамматикалық және стилистикалық қателер болмауы тиіс. Мақаланың конференция материалдарының жинағына енуі ұйымдастыру комитетінің құзіретінде қалады.

Анықтама телефондары: 8 701 571 38 38 Нурдавлетова Сания Моряковна
email: saniyanm83@mail.ru

Ақпараттық хат