Халықаралық қатынастар факультетінде «Отбасы - тәрбие бастауы» тақырыбында ашық тәрбиелік іс-шара өтті
Қазақстанда қыркүйектің екінші жексенбісінде Отбасы күні атап өтіледі. 2024 жылы бұл мереке 8 қыркүйекке тұспа-тұс келген. Отбасы институтын сақтау және нығайту мәселесі мемлекеттік саясаттың басым бағыттарының бірі болып табылады. Л.Н. Гумилев ат. Еуразия ұлттық университетте отбасылық рухани құндылықтарды насихаттауға бағытталған іс-шараларды тұрақты өткізіліп келеді.
Осыған орай, Халықаралық қатынастар факультеті, шетел тілдері кафедрасының тәрбие жұмысының жоспары бойынша аға оқытушысы А. Қадысқызының ұйымдастыруымен Шығыстану -11/13 (Ә.Қ. Мүтәлі және А. Қадысқызының топтары), Аймақтану -11(А.Н. Амренованың тобы) және Ққ-12 (С.Т. Бейсембаеваның тобы) топтар арасында 2024 жылы 6 қыркүйек күні сағат 11:00-де және 9 қыркүйек күні сағат 12:00-де – «Отбасы - тәрбие бастауы» тақырыбында ашық тәрбиелік іс-шара өткізілді.
Бұл іс-шараның мақсаты - студенттердің отбасына деген сүйіспеншілігін аттыру, ата-аналарды қадірлеп, сыйлай білуге тәрбиелеу, ой-өрісін дамыту, ата-ана мен бала арасындағы ынтымақты нығайту, татулыққа және бірлікке шақыру.
Шығыстану-11/13 және Аймақтану-11 тобының студенттері талқылау арқылы отбасындағы қарым - қатынас мәдениеті туралы түсінік берсе, Құқықтану-12 тобының студенттері өздері дайындап келген «Отбасы - тәрбие бастауы» атты презентациясын ұсыну арқылы отбасының ең маңызды қызметтерінің бірі – тәрбиелеушілік міндеті екенін түсіндіріп, отбасы - Отанның бір бөлшегі екенін ұғындырды.
Іс-шараға ХҚФ деканның орынбасары Р.Е.Кусаинова және шетел тілдері кафедрасының аға оқытушылаы мен профессорлары қатысты.
Отбасы болашақ ұрпақ бойына адамзаттық құндылықтарды және ұлттық рухани байлықтарын сіңіретін тәрбие ошағы.
Отбасыларыңызда әрқашан береке бірлік, татулық орнасын!
А. Қадысқызы